【人人都話Q-Max，你估人人都想要Q-Max咩？】

集思廣益系列：
【人人都話Q-Max，你估人人都想要Q-Max咩？】
市面多左幾間廠話要做清涼料，但好多人都有好多誤解，或者一知半解。異度其實係一個月前已經著手研發。而家異度已經揸住全球Q-Max值最高嘅料 (Q-Max 0.37，我哋甚至已經掌握到去到0.45嘅技術)，要做隨時做得。
係大家興奮係咁問我幾時有之前，我想講講呢Ｄ罩嘅利弊，睇完再同我講你嘅睇法。
1️⃣ 效果方面，佢真係有清涼效果嘅。 佢效果最顯著係當你長期坐係冷氣房,或者室外空氣流通個陣，底布有加速散熱效果，散到去中層面層布之後，室內溫度溫差比較明顯個陣，先做到長期散熱效果，而且都明顯嘅。呢D底布，用係PET全彩色布上面一定會有顯著嘅分別
2️⃣ 有別於市面有部份平價清涼罩 (Q-Max ~0.2左右個D), 異度用嘅係冇用薄荷提煉劑, 對G6PD (蠶豆症) 患者係絕對安全。始終清涼料係有添加劑, 唔多唔少係有少少味道, 但一嚟好快散走, 二嚟好快習慣
3️⃣ 由於有些少添加劑, 異度仲要係用ESPP底布,用起上嚟比起普通ESPP料更滑更舒服。但數值上,透氣度比起唔加清涼會差少少 (~0.4-5)
4️⃣ 呢D冇製冷片,冇風扇，更加唔係冷氣機，係【絕對冇可能】做到長期製冷，絕對清涼到冰極嘅效果。呢個，一直係美麗的誤會,甚至係有少少誤導。係室外、冇風嘅情況下，作用比較低
5️⃣ 呢D清涼料成本本身已經高，異度更加唔係同拆家攞料，全部係訂製，唔係3S PP而係ESPP料，底布成本已經貴過熔噴布 （當然，我哋PET面布亦都貴過熔噴布)，清涼罩係售價上一定唔平
6️⃣ 保質期方面， 清涼料揮發都快， 基本上半年後就冇乜清涼效果。的確係有一個方法加長保質期，就係【放入雪櫃】。係，你冇聽錯，係放入雪櫃，老細親自試過，係有助加長保質期，但你會唔會咁做?
老細好想聽下大家嘅意見。